السلام عليكم ورحمة الله وبركاتة
واااايد يزن الموضوع في بالي
انا وغيري من الموظفات .. عندي راتب ماشالله و الله يرزق الجميع
بس بشو فكرتي تستثمرين براتبج
انا مليت من فر الفلوس على السبايات و الثياب و الماركات و الميك اب
يوم افكر اخر الشهر اجوف مبلغ وقدره انفر فالزباله
واخر شي ما استفد منه وايد
.. يراني هنود والله انهم عايشين عيشه حلوه و يلبسون و مترغدين
وطبعا ها نتيجة التصرف الصحيح .. طبعا هايله الجنسيه معروفين بتدبير عمارهم عدل
تلاقين عيالهم في مدارس اجنبيه و غير ان عندهم سياره وياسين ايجار بس مدبرين عمارهم ومستثمرين بعد ..
ابا استثمر عقب ما اخلص قسط سيارتي ان شالله جريب جدا
وفي مخي سالفه اشتري عقار صغير ع قد فليساتي بس تمويل بنكي اكيد لان ماعندي كاش بقدر الي اخذ فيه بيت ..
ريلي يقولي خذيلج بيت باسمج وبعطيج مبلغ كل شهر ع الي اقدر عليه لين ما يطلعننا اسكان محد بن زايد لين الحينا ما وزعوا
بيوت ..
فشو تحسون تبون تستثمرون فلوسكم فيه او في شو استثمرتوا ويرجع عليكم بمردود حلو
لا تبخلون علينا بالنقاش نفيد ونستفيد
حبيباتي ..